БҰҰ Бас хатшысы Антониу Гутерриш Нью-Йорктегі парламенттік таңдау барысында қазіргі заманғы парламенттерде көбіне жасы келген ер адамдардың отырып алғанын мәлімдеді, деп хабарлайды Zakon.kz.
Заң шығару органдарында жастардың болмауын әділетсіздік деп таныған ол, бұл олқылықты жоюға шақырды.
Гутерриштің өзі алғаш рет 26 жасында депутат атанған. Одан кейін 7 рет Португалия парламентіне сайланған.
- Қазіргі парламенттерде отырғандардың басым бөлігі жасы келген қарт ер адамдар. Заң шығарушы органдарда жастар да, әйелдер де тым аз. Мен өзім 26 жасымда депутат болдым. Қазір біз парадокстар әлемінде өмір сүріп келеміз. Жаһандық тәуекелдердің туындауына себеп көп. Экономика тым баяу өсіп келеді, қаржы нарығы әлі тұрақсыз. Басқару институттарына деген сенімсіздік туындауда. БҰҰ ның парызы осы сенімді қайтару, – деді ол.