Астанада Үкімет қалтарыстарында журналистер ҚР жаңа Ішкі істер министрі Ерлан Тұрғымбаевты "ұстап қалып", сұрақтарын қойып үлгерді, деп хабарлайды Zakon.kz тілшісі.
– Тараздағы жарылысқа байланысты сотқа дейінгі тергеу қандай бап бойынша жүргізілуде?
– Өрт қауіпсіздігі техникасын бұзуға байланысты. Ол жерде үш адам қаза тапты, алты адам жараланған, олар ауруханаға жеткізілді, екеуі алғашқы көмектен кейін ауруханадан шықты.
– Митингтер болды ғой. Астана мен Алматыда ұсталған адамдар туралы айтыңызшы?
– Оның бәрін бүге-шүгесіне дейін бұқаралық ақпарат құралдарына кейін өзіміз хабарлаймыз. Қазір емес, – деген жауаппен құтылды министр.
Cәлден кейін журналистер Ішкі істер министрін тағы бір рет кездестіріп, тағы бір сұрақ қойды:
– Жаңаөзендегі жағдай туралы айтыңызшы?
– Жағдай тұрақты. Бәрі қалыпты. Ол жерде ешқандай да комменданттық сағат жоқ.