Түзету мекемелерінде арнайы кәсіптік білім беріледі, деп хабарлайды Aktobenews.kz тілшісі.
Ақтөбе облысында жазасын өтеушілердің біразы жұмыспен қамтылып, түрлі салада еңбек етіп жүр. Аймақта 800-ге жуық сотталғандардың 300-ден астамы жұмыспен қамтылған. "Еңбек Ақтөбе" мемлекеттік кәсіпорынында 100-ге жуығы жұмыс істейтін болса, қалғандары шаруашылық қызметі мен басқа да салада.
"Қазіргі таңда КА-168/2 мекемесінде 30-ға жуық жазасын өтеуші ағаш ұстасы, электргаз дәнекерлеуші, металл жонушылар мен тігінші мамандықтары бойынша кәсіптік білім алып жатыр. Жұмысқа тартудағы мақсат – сотталушыларды еңбекке баулып, сол арқылы оларды қалыпты өмірге бейімдеу", — дейді Ақтөбе облысы бойынша қылмыстық атқару жүйесі департаментінің баспасөз қызметкері Нұргүл Жұмағұлова.