"Бәйтерек" холдингі экономиканы әртараптандыруды қамтамасыз ету және инвестициялар тарту үшін алты жыл бұрын құрылған. Бұл туралы "Бәйтерек" ұлттық басқарушы холдингі" АҚ баспасөз қызметі хабарлап отыр.
Бүгінгі таңда компанияның құрамына индустриялық-инновациялық даму, ұлттық өнімдерді экспорттауды ілгерілету, шағын және орта бизнесті дамыту, тұрғын үй және құрылыс саласында міндеттерді орындау, венчурлық қаржыландыруды қолдау саласындағы 11 еншілес ұйым кіреді.
Осы бағыттардың әрқайсысы бизнес пен халыққа басым әлеуметтік-экономикалық мәселелерді тиімді шешуге мүмкіндік беретін құралдар жиынтығына ие.
Холдингтің 2018 жылғы жұмысының негізгі нәтижелерімен арнайы дайындалған инфографика арқылы танысуға болады.