Орта салмақтағы бұрынғы әлем чемпионы Геннадий Головкиннің (38-1-1, 34 КО) бапкері Абель Санчес қазақстандықтың америкалық аса ауыр салмақтағы америкалық боксшымен қол күрестіріп жатқан видеоға қатысты пікір білдірді, деп хабарлайды Vesti.kz.
Боксшылар Калифорниядағы Big Bear лагерінде кездескен. Америкалық GGG-дің күшін естігенін, алайда, өз көзімен көргенде таң қалғанын айтқан екен.
"Головкин физикалық тұрғыда өте мықты екенін бәрі біледі. Бізге Головкинді тексеріп көруге талай жігіт келетін. Бірақ GGG-ге ешкім сын бола алмады. Қанша жыл бапкер болсам да, мұндайды көрген емеспін.
"Бірақ мәселе күште ғана емес қой. Баланс та маңызды. Головкин мен Скоттың видеосын көрдіңіз бе? Головкин өзінің денесі мен балансы туралы бәрін біледі, ал Скотт өзінікін білмейді", - деп келтіреді Санчестің сөзін Villanfy Media.