"Ақ жол" партиясының сайлауға қатысу-қатыспауы осы апта соңында анықталады. Партия төрағасы Азат Перуашев орталық кеңестің пленумын 13 сәуірде өткізетінін айтты, деп хабарлайды Zakon.kz Астана телеарнасына сілтеме жасап.
Кеңес пленумынан кейін ғана кандидатты ұсыну мәселесі қарастырылады.
Перуашев пленумда әріптестерін кезектен тыс президенттік сайлауға қатысуға шақырмақ. Айта кетейік, қазір "Ақ жол" партиясының 250 мыңнан аса мүшесі бар.
Азат Перуашев, "Ақ жол" демократиялық партиясының төрағасы:
- Партияның сайлауға қатысуы мәселелері, партия атынан үміткерлерді шығару мәселелері тек партиямыздың құрылтайының шешімімен ғана қарастырылады. Сондықтан бұл мәселе съездің құзіретінде.