Сирияға Иордания мен Ливаннан бір тәулікте 1 мың 203 босқын оралды. Бұл туралы ресейлік тараптарды татуластыру және босқындар көшіп-қонуын бақылау орталығының ақпараттық бюллетенінде айтылды, деп хабарлайды Zakon.kz "Хабар 24" арнасына сілтеме жасап.
Қайтып келген босқындардың 361-і әйел және 614-і бала. Одан бөлек орталықтың хабарлауынша, Сирия инженерлік бөлімшелері бір күн ішінде Деръа мен Дамаск елді мекендеріндегі 3 гектар аумақты минадан тазартқан. Осы жұмыстардың нәтижесінде 29 жарылғыш табылып, жойылды.