Сыбайлас жемқорлыққа қарсы іс-қимыл ұлттық бюросы ҚР Ұлттық экономика министрлігіндегі бірқатар лауазым иелеріне қатысты тергеу жүргізуде, деп хабарлайды Zakon.kz.
Бұл туралы ҚР Мемлекеттік қызмет істер және Сыбайлас жемқорлыққа қарсы іс-қимыл агенттігінің қоғаммен байланыс департаменті директоры Арман Бердалин айтты.
– Ұлттық экономика министрлігіндегі бірқатар жекелеген қызметтік тұлғаларға қатысты сотқа дейінгі тергеу жүргізілуде, – деді Бердалин.
Одан өзге ақпарат әзірге жариялауға жатпайды.
Ол тұлғалардың ішінде Ұлттық экономика министрлігіндегі Кәсіпкерлікті дамыту департаментінің директоры Асланбек Жақұпов бар ма, әзірге белгісіз.
– Мақалада айтылғандай, мені ешқашан ешкім парамен ұстаған емес, өйткені мен пара алған емеспін, алмаймын да! Пара алдым деп те ешқашан ешкімнің алдында мойындаған емеспін! – деп жазды Facebook-те Жақұпов.