Ресей мен Украина шиеленісі бейбіт жолмен шешіледі, Қазақстан сол үшін қолдан келгенінің бәрін жасайды. Бұл туралы Қазақстан халқы ассамблеясының 27-ші сьезінде Тұңғыш Президент Нұрсұлтан Назарбаев мәлімдеді, деп хабарлайды Zakon.kz тілшісі.
Елбасы Қазақстанның халықаралық қауымдастықта бітімгер ретінде танымал екенін еске салды.
– Бізде кездесулер өтуде. Еліміз Таулы Қарабақ, Пәкістан, Үндістан, Иран, Сирия, Ресей мен Түркиядағы жағдайды тыныштандыруға үлесін қосқанын білесіздер. Біз Ресей мен Украина арасындағы кикілжіңді бейбіт жолмен шешкіміз келеді. Мен олардың сұрауымен үнемі іске араласудамын. Бұл іспен біз бәрібір айналысуымыз керек, барлық соғыстар, шиеленістер бейбітшілікпен аяқталады, бұл соғыстың да аяқталатын кезі келеді. Біз бірнеше рет Қырғызстан, басқа да елдердің соғыс жағдайынан шығуына көмектестік, – деді Тұңғыш Президент.