Астаналық Тұрғын үй қоры кезекте тұрған азаматтардың кезегі не себепті бірнеше орынға артқа сырғып кететінін түсіндірді, деп хабарлайды Zakon.kz.
Нұр-Сұлтан әкімдігіндегі баспана қоры жеткізгендей, кезекті реттеу барысында 2018 жылдың тамызынан бері мемлекеттік емес тұрғын үй қорынан баспана алу кезегінде тұруға негізі жойылған 5287 адам анықталып, олар кезектен алынды.
- Көптеген азаматтар байқағандай, олардың кезегі күрт алға жылжып кетті, олар қуанып қалған. Алайда кейде біреулер өз кезегінің екі-үш орынға артқа жылжып кеткеніне шағым айтады. Бұл кезектен алынған азаматтардың сотқа жүгініп, кезектен түсіп қалуымен келіспейтініне байланысты. Сот олардың соңғы бес ішінде баспанасы болғанына қарамастан, кезекке қайта тұрғызып жатыр. Сот шешімін негізге алған әкімдік кезектен алынған азаматты кезектегі бұрынғы өз орнына қояды. Содан келіп, одан кейін тұрған азаматтардың кезегі артқа жылжиды, – деп түсіндірді Тұрғын үй қоры.
