ҚР Ақпарат және қоғамдық даму министрі Дәурен Абаев өзі басқаратын министрліктің байланысқа жауап бермейтінін айтты, деп хабарлайды Zakon.kz тілшісі.
– Ақпарат және қоғамдық даму министрлігі байланысқа жауап бермейді. Мен қазір бұған байланысты ештеңе айта алмаймын. Бірақ действительно, провайдерлер айтқандай, техникалық ақаулықтар болды, – деді ол.
Министр "бұл сұрақты провайдерлерге қойыңдар" деген кеңес берді.
– Бұл сұрақты соларға қойып, нақты қандай ақаулықтар болғанын нақтылаған жөн, – деп түсіндірді Абаев.
Сонымен қатар, Абаев мұндай "ақаулықтар" сайлау өтетін күні де қайталануы мүмкін бе, деген сұраққа жауап берді.
– 9 мамырда байқалған "Интернетке доступ" проблемасы 9 маусымда да қайталанады деп ойламаймын, провайдерлер оған дейін өз техникаларын жөнге келтіреді деп ойлаймын, – деді министр.