Қазақтың Мессиі аз еді, бізге. Енді қазақтың Златан Ибрагимовичі шықты дейді. "Ордабасының" ойқастаған шабуылшысы Тоқтар Жаңғылышбайдың "Астана" қақпасына асқан шеберлікпен сүңгітіп жіберген голын 2 миллионға жуық адам көріп тастады, деп хабарлайды Zakon.kz.
@433 деген атақты футбол паблигінде жарияланған бұл голдың сәті вирустық видеоға айналып кетті.
Украиналық легионер Кирилл Ковальчуктің пасын Златанша қабылдаған Тоқтар "Астана" қорғаушысы Марин Аничичті қапы қалдырып допты қақпаға домалатып жіберді.
Златан Ибрагимович – швециялық әйгілі футболшы. Футболда доппен неше-түрлі фокустар жасап, ерекше әдістермен гол соғатын шеберлігімен көзге түскен аса шебер ойыншылардың бірі.