Португалияның "Портосында" ойнайтын испаниялық қақпашы Икер Касильяс инфаркт алып, енді футболшы карьерасын аяқтау туралы шешім қабылдады. Бұл туралы жұма, 17 мамырда Independent хабарлады, деп жазады lenta.ru.
Касильяс 1 мамырда жаттығу кезінде жүрек инфарктіне ұшырап, бес күн ауруханада жатып шықты. Сол кезде-ақ кардиолог Хуан Антонио Корбалан оның футболдағы карьерасын аяқтауына тура келеді деген пікір айтқан болатын.
"Порту" қақпашыға клуб жүйесінде қалып, басқа қызмет ұсынды. Ал 37 жастағы Касильястың орнына клуб басқа қақпашы іздестіруде.
