Көлік жолайрықтарының тіреуіш қабырғаларынан демонтаждалған гранит тақталар тротуралардың ағымдағы жөндеу жұмыстарына және көшелерді абаттандыруда пайдаланылатын болады, сондай-ақ әлеуметтік нысандарда қолданылады, деп хабарлайды Zakon.kz.
Қала мобильдігі басқармасының хабарлауынша, 5 жолайрықтан демонтаждалған барлық тақталарды игеру жоспарланып отыр. Қазіргі таңда алғашқы жолайрықтан 6,5 мың шаршы метр тақта алынды, оның 2,1 шаршы метрі тунелдің төменгі жағын қаптауға пайдаланылған. 1,2 мың шаршы метр жарамсыз тақталар тротуарларға төселеді, сонымен қатар мектептер мен ауруханалардың сыртқы жағына қолданылмақ. Ал бүтін тақталар Райымбек-Розыбакиев, Сүйінбай-Райымбек және Жароков-әл-Фараби даңғылдарының қиылысындағы көлік жолайрықтарындағы жөндеу жұмыстарында пайдаланылып жатыр.
Мектептер әзірден ғимарат сыртын әрлеу үшін демонтаждалған тақталарға өтінім беріп жатыр, жөндеу жұмыстары шілдеде басталады. Білім мекемелері мектептерді жөндеу жұмыстары кезінде шығынның көбісі инженерлік жүйелерді жүргізуге кетіп, абаттандыруға келгенде үнемдеуге тура келетінін алға тартып отыр. Олардың айтуынша, бұл жөндеу жұмыстарын айтарлықтай шығынсыз аяқтауға жақсы мүмкіндік екен.
