ҚР Тұңғыш Президенті - Елбасы Нұрсұлтан Назарбаев қандай болашақ үшін дауыс бергені туралы сұраққа жауап берді, деп хабарлайды Zakon.kz тілшісі.
№58 сайлау учаскесіне келген Назарбаев, алдымен сайлаушылар тізімінде белгіленіп, бюллетен алған кейін дауыс беру үшін кабинаға өтті. Елбасы өзінің азаматтық міндетін атқарып болған соң журналистермен сұқбаттасты.
- Сіз Қазақстанның қандай болашағы үшін дауыс бердіңіз? - деп сұрады тілшілер.
- "2050" стратегиялық бағдарламасында барлығы толық жазылған. Яғни, 2050 жылға дейін Қазақстан осы бағдарламаға сәйкес дамитын болады. Түпкі мақсат - еліміздің әлемнің дамыған 30 елінің қатарына қосылуы. Мұнда Қазақстанның дамуы да, жастар да, әлеуметтік те, экономикалық та, халықаралық даму да кіреді, - деп жауап берді Нұрсұлтан Назарбаев.
