Алматы облысының сыбайлас жемқорлыққа қарсы қызметі ІІМ ҚАЖК түзеу мекемелерінің "Еңбек Жауғашты" филиалының директоры мен заңгерінің бюджет қаражатын жымқыру фактісін анықтады, деп хабарлайды Zakon.kz.
Олар облыстың 7 өрт сөндіру бөлімінің құрылысына бөлінген 187 млн. теңге сомасына орындалған жұмыстардың жалған актілеріне қол қою арқылы бюджет қаражатын жымқырды деген күдікке ілінді.
Күдіктілер уақытша ұстау изоляторына қамалды. Бұлтартпау шарасын таңдау мәселесі шешілуде.
Тергеу жалғасуда.
Кінәлілік дәрежесін анықтау арқылы күдіктілерге қатысты түпкілікті шешімді сот шығарады.