ҚР Қорғаныс министрінің орынбасары Тимур Дандыбаев ОКҚ-дегі брифингте Арыста қаза болған үшінші адам туралы айтып берді, деп хабарлайды Zakon.kz тілшісі.
– Қаза тапқан үшінші адам – 1987 жылғы Әбдіқұл Нұрланұлы Ахметов. Үйленген, бір баласы бар. Шымкентте туған. Келісімшарт негізінде әскери қызметке 2013-ші жылы шақырылған, бөлімше командирі қызметін атқарып жүрген, – деді Дандыбаев.
Оның сөзінше, Ахметов кеше қайтыс болды.
– Өкінішке қарай, әскери қызметкер алған жарақаттарынан емдеу мекемесінде қайтыс болды. Кеше, – деп нақтылады ол.
Қазірге дейін Арыстағы трагедиядан үш адамның қаза тапқаны белгілі болды: екі әскери мен бір тұрғын.