ҰБТ-ның комиссия мүшелері Алматы мейрамханасында қалай тойлатып жатқанын ҚР Сыбайлас жемқорлыққа қарсы агенттік қызметкерлері БАҚ өкілдеріне көрсетті деп хабарлайды осы агенттіктің баспасөз қызметіне сілтеме жасап, Zakon.kz.
Алдында баспасөз мәслихатында ҚР Сыбайлас жемқорлыққа қарсы агенттік департаментінің директоры Арман Бердалин Алматы және Жамбыл облыстары бойынша өздеріне түскен шағымдарды тексеріп, зерттегенін мәлім еткен. Мәселен, Жамбыл облысы білім басқармасының басшысы 25 адамға мейрамханада дастарқан жайған. Арқаны кеңге жайып, ішімдікті сілтеп отырған қонақтары – ҰБТ-ның комиссия мүшелері. Тура сондай жағдай Алматыда да орын алған. Онда араққа тойып алған комиссия мүшелері өздерін дөрекі ұстаған.
- Бұл фактілерге қатысты қазір қызметтік тексеру басталып кетті, - дейді агенттіктегілер.