Алматыда тыйым салынған экстремистік ұйымның тағы бір мүшесі ұсталды, деп хабарлайды Zakon.kz қалалық ДП баспасөз қызметіне сілтеме жасап.
Тергеу басқармасының мәліметінше, 1966 жылы туған Кенжеахметов К.Ю., ҚР ҚК 405-бабы бойынша қозғалған қылмыстық істі тергеу барысында тыйым салынған экстремистік ұйымның қызметіне қатысқаны үшін ұсталды.
Күдіктінің үйінде жүргізілген тінту барысында рұқсат етілмеген іс-шаралар мен митингілер кезінде пайдалануға жоспарланған жабдық алынды.
Кенжеахметов ҚР Қылмыстық іс жүргізу кодексінің 128-бабына сәйкес уақытша ұстау изоляторына қамалды.
Полицияда ол өзінің кінәсін толық мойындады және өз ісіне шын жүректен өкінгенін хабарлады.
- Мен, Кенжеахметов Қайырбек Юсупбекұлы. Ешқандай психологиялық қысымсыз, мен адасқанымды мәлімдеймін. Бір әйел маған қоңырау шалып, Таугүлден 6 шілдеде митингке шығу үшін тулар мен шелектерді алып кетуімді сұрады. Шын мәнінде, бұл әйел бұрын Ақтау қаласында алаяқтық үшін сотталған Джоукерова Гүлзипа Қожагелдинқызы болатын. Ол ҚДТ активистерінің әрқайсысынан мың теңгеден жинап алмақ болды, маған "Мен сізбен бөлісемін" деді. Сонда кезде мен ақша жүрген жерде шындық болмайтынын түсіндім. Құрметті қазақстандықтар! Қателік жасамаңыздар, алданбаңыздар. Еліміздегі бейбітшілік пен тыныштықты бағалайық, - деді Кенжеахметов.