Шетел азаматын баратын жеріне жеткізіп, 33 мың теңгесін қағып алған таксисті Алматы халықаралық әуежайының қызметкерлері іздеп жатыр, деп хабарлайды Zakon.kz.
- Іздеп жатырмыз, видеоларды тексерудеміз. Facebook-тегі пост авторымен сөйлесіп, одан да көмек сұрадық. Ол көлік жақын маңдағы ғимараттардағы камераларға түсіп қалуы мүмкін, - деді Алматы халықаралық әуежайының баспасөз хатшысы МАА Наталья Соколова.
Алайда әуежайға кіріп-шығатын автокөлік өте көп. Бұдан бұрын Facebook-те Шакир Исламбакиев есімді қолданушы белгісіз таксистің шетел азаматынан 33 мың теңге алғанын хабарлаған болатын.
