Лондонның қақ ортасында "Арсеналдың" екі футболшысы Месут Озил мен Сеад Колашинацаға жасалған қарулы шабуылдың видеосы желіде тарады, деп хабарлайды Zakon.kz sportsria.ru-ға сілтеме жасап.
Футболшылар отырған көлікті белгісіз біреулер мопедпен аңди бастаған. Көлік тоқтап, футболшылар таныстарының мейрамханасына беттемек болады. Сол кезде оған мотоциклдегілер тап береді.
Видеода шлемдегі еркектің Колашинацаны қуып жүргенін көруге болады. Ол қаскөйді өзіне жақындатпай, көлікті айнала қашып жүр. Бұл кезде Озил жақын маңда орналасқан Likya мейрамханасындағы таныстарына көмек сұрауға жүгіріп кеткен екен.
Кейбір деректерге сүйенсек, бұзақылар футболшыларды тонамақ болып аңдыған. Олар, бірақ әлі ұсталмапты.
