Фронтальдық бөліктердің өтуіне байланысты Қазақстанның басым бөлігінде тұрақсыз ауа райы сақталады, республиканың кей жерлеріңде жаңбыр жауып, найзағай болады, деп хабарлайды Zakon.kz Қазгидрометке сілтеме жасап.
Тек республиканың оңтүстігінде жауын-шашынсыз ауа райы сақталады. Кей жерлерде жел күшейеді, дауыл, шаңды дауыл күтіледі, бұршақ жаууы мүмкін.
Ақмола облысында дауыл күтіледі, бұршақ жаууы мүмкін, түнде жел күшейеді, күндіз басым бөлігінде 15-20 м/с жетеді.
Қостанай, Солтүстік Қазақстан, Павлодар облыстарының кей жерлерінде дауыл, бұршақ жаууы мүмкін, жел 15-20, кей жерлерде екпіні 23-28 м/с күшейеді.
Қарағанды, Шығыс Қазақстан облыстарының кей жерлерінде дауыл күтіледі, бұршақ жаууы мүмкін, жел 15-20 м/с күшейеді.
Алматы, Батыс Қазақстан, Ақтөбе түнде және таңертең Қызылорда, Атырау, күндіз Жамбыл облыстарының кей жерлерінде жел 15-20 м/с күшейеді.
Түркістан облысының кей жерлерінде жел 15-20, күндіз екпіні 23 м/с шаңды дауылмен күшейеді.
Күндіз Алматы, Жамбыл, Павлодар, Шығыс Қазақстан облыстарында қатты ыстық күтіледі.
Қызылорда, Түркістан, Жамбыл, Алматы облыстарында, Қарағанды Ақтөбе, Шығыс Қазақстан, облыстарының кей жерлерінде өте жоғары өрт қауіпі сақталады.