Ер адам мәйітханада "тіріліп", темекі сұрады: оқиға видеоға түсіп қалды

Ер адам мәйітханада "тіріліп", темекі сұрады: оқиға видеоға түсіп қалды, сурет - Zakon.kz жаңалық 19.11.2026 09:42 Сурет: pexels
Нигерияда жол апатынан зардап шеккен мотоцикл жүргізушісі жергілікті мәйітханада күтпеген жерден есін жиып, ең алдымен темекі сұраған. Бұл таңғаларлық оқиға әлеуметтік желілерде қызу талқыланып жатыр, деп хабарлайды Zakon.kz.

Pulse.ng басылымының жазуынша, тосын оқиға Дельта штатында, Эвврени елді мекенінің маңында болған. Мотоцикл қатысқан жол апатынан кейін ер адам қайтыс болды деп есептеліп, мәйітханаға жеткізілген.

Алайда біраз уақыттан кейін оның тіршілік белгілері байқалған.

Әлеуметтік желілерде тараған видеода аман қалған ер адамның денесіне дәстүр бойынша марқұмдарға жағылатын ақ ұнтақ себілгені көрінеді. Жергілікті тұрғындар оның аман қалғанына қатты қуанып, бір-біріне тәттілер таратып, мерекелеген. Ал видеоның сыртындағы дауыстардан ер адамның от тұтатып беруін сұрағанын естуге болады.

"Осы оқиғадан кейін оған медициналық тексеруден өту қажет", – деді жергілікті тұрғындардың бірі видеода.

Бұл оқиға әлеуметтік желі қолданушылары арасында түрлі пікір туғызды. Бірі мұны ғажайып жағдай деп бағаласа, енді бірі елдегі медицина қызметінің сапасына алаңдаушылық білдіріп, мұндай қателіктің алдын алуға болатынын жазған.

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: