Алматы полицейлері өрт кезінде орын алған кісі өлімін тергеуге кірісті, деп хабарлайды Zakon.kz қалалық полиция департаментіне сілтеме жасап.
Қазір қаза тапқан адамның кім екені және оның өліміне әкеп соққан мән-жайлар анықталуда.
Сот-медициналық және басқа да бірқатар сараптамалар мен тексерулер тағайындалды, солардың нәтижесінде ол кісінің өлімінің нақты себебі анықталуы тиіс.
Кісінің мәйіті Көк-Төбедегі өртті сөндіру барысында табылған болатын.
Кеше, 11 тамызда сағат 14:28-де Алматы қаласының "101" пультіне қаланың Медеу ауданында өрт шыққаны туралы хабар келіп түсті. Өртті сөндіруге тікұшақтар тартылды.