"Үлкен Еуразия: Диалог. Сенім. Серіктестік" тақырыбындағы Еуразия елдері парламенттері спикерлерінің 4-ші отырысында Қазақстанның Тұңғыш Президенті – Елбасы Нұрсұлтан Назарбаев Қазақстанның ел ішіндегі ұлтаралық келісімдегі ерекше жетістіктерін атап өтті, деп хабарлайды Zakon.kz тілшісі.
- Әлемдегі болып жатқан сан-түрлі оқиғалар жағдайында Қазақстан ұлтаралық келісім мен толеранттылықтың сәтті үлгісі бола алады, - деді ол.
Сонымен бірге, оның сөзінше, қазақ тілін латын әліпбиіне кезең-кезеңмен көшіру әлемдік мәдениетпен бірігу жолында ерекше маңызды.
- Мен 1993 жылы "Болашақ" арнайы бағдарламасын жариялағаннан бері мыңдаған жастарымыз мемлекет есебінен әлемнің үздік университеттерінде білім алды. Қазір олардың ондаған мыңы елге оралып, біздің елде жұмыс істейді, - деді Елбасы.