Демалыс күндері Қазақстанның оңтүстігінде, оңтүстік-шығысында және орталығында күндізгі температурасы плюс 33…39°С байқалған аномальді ыстық, суық фронттардың өтуімен қыркүйекке тән ауа райына ауысады, деп хабарлайды Zakon.kz Қазгидрометке сілтеме жасап.
Арктикалық суық фронттардың өтуімен республиканың орталығында және шығысында жаңбыр, күшті екпінді жел және температураның түнде минус 3°С дейін төмендеуі күтіледі.
Ал батыс және солтүстік облыстарында суық фронттардың ықпалынан жаңбыр және ауа температурасының төмендеуі басталды.
Алдағы үш тәулікте мұнда жауын-шашын сақталады, ал түнгі және таңғы сағаттарда тұман және үсік күтіледі.