Джалал-Абад облысы, Созақ ауданы, Сафаровка ауылының тұрғындары Медетбек Абжапаровты атымен атамайды, Путин-аке дейді, деп жазады Sputnik Қырғызстан.
Медетбек Абжапаров тракторшы, жазда бәріне керек адам болып жүреді. Қыстағы тірлігі таксист. Бірақ оның Ресей президенті Владимир Путинге ұқсастығын бәрі байқайды.
2004 жылы мектеп бітірген соң, Абжапаров Красноярскіге жұмысқа кетті. Оның айтуынша, Путинге ұқсастығын ресейліктер де мойындапты.
– Маған қара жұмысты тастап, мемлекеттік қызметке бар, болмаса Ленин мен Сталиннің двойниктері сияқты Қызыл алаңда жүретін адамсың ғой, дейді. Жергілікті таксистер мені көргенде Путин келді деп, мені кезексіз жібереді, - дейді Абжапаров.
Медетбек Абжапаровты саясат қызықтырмайды, алайда өзінің Ресей басшысымен ұқсастығы жауапкершілікті сезінуге және кез-келген істі соңына дейін жеткізуге міндеттейді дейді. Оның бір арманы – Ресей президентімен кездесу екен.
