Алматы қалалық №4 клиникалық ауруханасының тағы бір дәрігері қамауға алынды, деп хабарлайды Zakon.kz.
Қалалық соттың баспасөз қызметі хабарлағандай, 2019 жылдың 2 қыркүйегінде мамандандырылған ауданаралық тергеу сотының қаулысымен, ҚР ҚК-нің 317 бабы 3-б. (Медициналық немесе фармацевтикалық қызметкердің кәсіби салғырттығы салдарынан адам өліміне әкеп соғу) сәйкес қылмыс жасады деген күдікпен Асқар Тұңғышбаевқа қатысты 2 айға қамауға алу шарасы қолданылды.
Ұстау мерзімі 2019 жылдың 31 тамызынан бастап есептеледі.
Ашық дереккөздерден Асқар Тұңғышбаевтың анестезиолог, 4 клиникалық аурухананың реаниматологы екені белгілі.
Мұның алдында №4 қалалық клиникалық аурухананың бас дәрігері Қанат Тезекбаевтың қамауға алынғаны белгілі болған. Оған қатысты 2 айға қамауға алу түріндегі бұлтартпау шарасын №2 мамандандырылған ауданаралық тергеу соты қолданды.