Прокуратура бұрынғы премьер-министр Серік Ахметовтің мерзімінен бұрын босатылуына қарсы шықты. 25 қазанда Қарағанды соты Ахметовтің бас бостандығын шектеу жазасын шартты түрде мерзімінен бұрынға ауыстыруды сұраған өтінішін қарады, деп хабарлайды Zakon.kz желідегі patriotkaragandy парақшасына сілтеме жасап.
Прокурор өз позициясын білдіре отырып, Серік Ахметовтің босатылуына қарсы шықты.
- Ахметов жазасын өтеуді жалғастырудың қажеті жоқ дегенге дәлел мәліметтер берілмеді. Ал ол келтірілген шығындарды төледі, жұмысқа орналасты және оң мінездемесі бар деген оны босату үшін сөзсіз негіз бола алмайды, - деді прокурор.
Серік Ахметовтің адвокаты заңда өзінің қорғаушысын босатуға барлық негіз бар деп мәлімдеді.
"Серік Нығметұлы Ахметов мемлекетке келтірілген залалды толығымен өтеп берді, сынақ мерзімінде заңды бұзған жоқ, ЖШС-ға жұмысқа қабылданған", - дейді адвокат Николай Лесник.
Судья кеңесу бөлмесіне кетті. Сот шешімі кейінірек жарияланады.
Ахметов сыбайлас жемқорлық қылмысын жасағаны үшін 10 жылға сотталған. Кейін апелляциялық шағым негізінде жаза мерзімі 8 жылға дейін қысқарды. Содан кейін Абай аудандық соты рақымшылық туралы заңның негізінде мерзімнің бір бөлігін қысқартты. Кейін Ахметов соттан нақты жазасының өтелмеген бөлігін - 4 жыл 26 күнін түрмеде емес, бостандықты шартты түрде шектеу түрімен ауыстыруды сұрады. Сот оның өтінішін қанағаттандырды, сөйтіп 2017 жылдың 21 қыркүйегінде осындай жаза түрімен ол бостандыққа шыққан. Яғни, ол жазасын үйқамақта өтеп жатыр.
