Полиция генерал-майоры Әубәкіров Амантай ҚР ІІМ Әкімшілік полиция комитеті төрағасының бірінші орынбасары болып тағайындалды, деп хабарлайды zakon.kz.
ҚР ІІМ баспасөз қызметі бұл ақпаратты растады. Ол бұл қызметке осы жылдың қараша айында тағайындалған.
Осыған дейін Әубәкіров Астана (қазіргі Нұр-Сұлтан) қаласының Ішкі істер департаментінің бастығы және 2019 жылдың қарашасына дейін Павлодар облысы ішкі істер департаментінің бастығы болған.
Әубәкіров Амантай Акрамұлы 1963 жылы туған. Қарағандыдағы КСРО ІІМ жоғары мектебін бітірген.
Еңбек еткен жылдары ішінде Алматы қалалық атқару комитеті Ішкі істер басқармасының қылмыстық тергеу бөлімінің Ерекше маңызды істер бойынша аға ізкесуші, аға тергеуші, Алматы қаласы Алатау аудандық ішкі істер басқармасы бастығының бірінші орынбасары, Бостандық аудандық ішкі істер басқармасының бастығы, Алматы қаласының Ішкі істер департаменті Қылмыстық полиция басқармасының бастығы, Алматы қаласының ішкі істер басқармасы бастығының бірінші орынбасары, Қазақстан Республикасы Ішкі істер министрінің орынбасары болып жұмыс істеді.