Жеңіл салмақтағы UFC әлем чемпионы, ресейлік аралас жекпе-жектің спорт шебері Хабиб Нұрмагомедов Алматыға сапары қарсаңында тағы әке атанды, деп хабарлайды zakon.kz.
Көптеген шетелдік ақпарат құралдарының хабарлауынша, чемпион ұлды болды. Бұл Хабиб пен Патиматтың отбасындағы үшінші бала, олар Фатима және Магомед атты ұл-қыз тәрбиелеп отыр.
Қыркүйек айында Нұрмагомедов америкалық Дастин Порьені жеңіп, чемпиондық титулын қорғап қалды. Келесі белдесу 2020 жылдың 19 сәуірінде өтеді, қарсыласы АҚШ-тағы Тони Фергюсон болады.
24 желтоқсанда Хабиб Алматыда жанкүйерлермен кездеседі, ал 25 желтоқсанда ол аралас жекпе-жек GFC турнирінің қонағы болады.