Еске салсақ, әлеуметтік желілерде жас жігіттер тобының көлікке қызды отырғызып, күшпен алып қашу оқиғасы туралы бейнекөрініс тарап кеткен, деп хабарлайды zakon.kz ТО ПД-нің баспасөз қызметіне сілтеме жасап.
Бейнекөріністі тексерген полицейлер оқиға Түркістан облысының Арыс қаласында орын алғандығын анықтады. Қыздың анасы полицейлерге арызданған. Қазіргі таңда қыз өзінің үйіне, ата-анасына қайтып келген.
Аталған дерек СДТТБТ-не енгізіліп, ҚР ҚК-нің 125-бабы "Адам ұрлау" бойынша тіркелді. Күдіктінің айтуынша олар бұрын бір сыныпта оқыған және үйлену мақсатында алып қашқаны белгілі болды.
Қазір аталған жайт бойынша сотқа дейінгі тергеу амалдары жүргізілуде. Полицейлермен болған жағдайдың барлық мән-жайын анықтауда.