Мемлекет басшысы Қасым-Жомарт Тоқаев Алматыда болған жолаушылар ұшағы апатына қатысты арнайы комиссия құрылғанын, кінәлілер анықталып, заңға сәйкес қатаң жазаланатынын айтты, деп хабарлайды zakon.kz.
"Бүгін Алматы маңындағы жолаушылар ұшағы апатынан қаза тапқан адамдардың туыстары мен жақындарының қайғыларына ортақтасып, көңіл айтамын. Зардап шеккендерге көмек көрсетіледі. Апат себебін анықтау үшін арнайы үкіметтік комиссия құрылды. Кінәлілер заңға сәйкес қатаң жазаланады", деп жазды Қасым-Жомарт Тоқаев Твиттерде.