Бүгін Палатаның Бюро отырысын ашқан Мәжіліс Төрағасы Нұрлан Нығматулин барлық депутаттық корпус атынан Алматы маңындағы ұшақ апатынан қаза тапқандардың туыстары мен жақындарына көңіл айтты, деп хабарлайды zakon.kz Мәжілістің баспасөз қызметіне сілтеме жасап.
"Біз апат салдарынан қаза тапқандар туралы хабарды терең қайғы-қасіретпен қабылдадық. Осы қайғылы жағдайға байланысты барлық депутаттардың және өз атымнан қайтыс болғандардың отбасыларына, туған-туыстарына қайғырып көңіл айтамын. Біз сіздердің орны толмас ауыр қайғыларыңызға ортақтаспыз", - делінген жеделхатта.
Нұрлан Нығматулин сондай-ақ, зардап шеккендердің тезірек сауығуына тілектестік білдірді.