Нұр-Сұлтан қаласын 2030 жылға дейін дамыту жоспары әзірленіп, онда қаланың үш бөлігін өзара байланыстыру көзделген, деп хабарлайды zakon.kz "Хабар 24"-ке сілтеме жасап.
Басты мақсаттардың бірі – қаланың ескі бөлігінде тұратын халықтың тіршілігін жайлы ету екен. Нұр-Сұлтанда отырған мамандардың пікірінше, енді бір 10 жылдан кейін ел астанасында 2 миллиондай адам тұратын болады. Сол себепті қала құрылысында заманауи тетіктерді қолдану жоспарланған.
Асхат Садуов, Урбанистика орталығының жетекшісі:
- Әдеттегідей, Астана пилот болады, ондағы тәжірибе кейін еліміздің республикалық маңызы бар миллиондық қалаларымызда қолданылады. Бұл жерде біз Алматы мен Шымкентті ғана айтпаймыз, Қарағанды мен Ақтөбе, Атыраудың мұнайлы орталығын дамытуға да мүдделіміз. Бұл технологияларды басқа да өңір орталықтарында қолдануға болады.