Павлодар қаласы әкімдігі желідегі сыбысқа қатысты пікір білдіріп, алда білмейміз, бірақ биыл қала атауын өзгерту туралы жоспарлары жоқ екенін айтты, деп хабарлайды pavlodarnews.kz.
"Қазақстан Республикасы Үкіметінің 2019 жылғы 19 маусымдағы № 419 қаулысына сәйкес, биыл халық санағы жүргізілетін болады. ҚР Премьер-министрінің бірінші орынбасарының ұсыныстарына сәйкес, республика өңірлеріндегі халық санағын уақтылы және сапалы жүргізу мақсатында 2020 жылғы 1 қаңтардан 31 желтоқсанға дейін ономастикалық мәселелер, оның ішінде облыс орталықтарының атаулары өзгерту мәселесі қарастырылмайды", деп хабарлады әкімдіктің баспасөз қызметі.
Қаланың атын өзгерту туралы қоғамда ауық-ауық мәселе көтеріліп тұрады. Әр уақытта Павлодарды Кереку, Кенесары, Нұркент, Қимақ, Нұршахар деп атау ұсынылған. Қала атауын өзгерту идеясын әр жолы Павлодар тұрғындары тарапынан қарсылыққа ұшырап, мақұлданбайды.