Мемлекет басшысы үкіметтің кеңейтілген отырысын өткізеді, деп хабарлайды zakon.kz.
Бұл туралы Facebook-тегі парақшасында Тоқаевтың баспасөз хатшысы Берік Уәли жазды.
"24 қаңтарда, жұма күні Үкімет үйінде Президент Қасым-Жомарт Тоқаевтың төрағалық етуімен Қазақстан Республикасы Үкіметінің кеңейтілген отырысы өтеді. Отырыста үкімет 2019 жылға арналған еліміздің әлеуметтік-экономикалық даму қорытындылары туралы есеп береді. Сонымен бірге онда мемлекет басшысының үкімет қызметінің негізгі бағыттары бойынша берген тапсырмаларын орындау барысы қарастырылады", - деп жазды ол.