Қазақстан ұлттық құрамасының капитаны Бауыржан Исламханның агенті Марат Арчегов футболшының "Аль-Айн" клубымен жасасқан келісімшарты туралы айтып берді, деп хабарлайды zakon.kz Sports.kz-ке сілтеме жасап.
– Келісімшарт 5 айға жасалды, егер Бауыржанға клуб ұнап жатса, келісімшарт мерзімін ұзарту мүмкіндігі бар. "Аль-Айн" екі айдан бері Исламханды аттай қалап, ұсыныс жасап келген. Араб клубы жоғары жалақы ұсынады, оның үстіне Исламханды "Аль-Айн" бас бапкері де командадан көргісі келеді. Өйткені ол клуб Азиялық Чемпиондар лигасына жолдама алған, – деді Бауыржан Исламханның өкілі.
"Аль-Айн" БАӘ елінің 13 дүркін чемпионы. 2018 жылы бұл команда клубтық әлем чемпионатының финалында ойнап, мадридтік "Реалға" 1:4 есебімен жол берген.
