Қазақстанда тас жолдардың жабылғанына қарамастан жолға шығатын жүргізушілерге айыппұл салынуы мүмкін, деп хабарлайды КТК телеарнасы.
ҚР Ішкі істер министрлігі заңға осындай жаңа норма енгізу мәселесін талқылап жатыр.
"Бұл сұрақ бойынша бізде талқылау жүріп жатыр. Естеріңізде болса, Владимир Божко төтенше жағдайлар министрі болғанда (қазіргі кезде Мәжілістің вице-спикері) ауа-райының қолайсыздығына байланысты жол жабылғанда тыңдамай шығып кететін жүргізушілерге айыппұл салу туралы ұсыныс айтқан болатын. Бүгінгі таңда бұл мәселе қайта көтеріліп жатыр", - дейді ҚР ІІМ ТЖ комитетінің төрағасы Владимир Беккер үкімет отырысынан кейін тілшілерге берген жауабында.
Ол бұл ережені әкімшілік жауапкершілік кодексіне енгізу ұсынылғанын атап өтті.