Тамыр-танысын телефон арқылы қызметке алғызатын шенділерді қайтеміз

zakon.kz
Сыбайлас жемқорлыққа қарсы іс-қимыл агенттігі төрағасының орынбасары әсіресе білім мен денсаулық сақтау саласында мұндай жағдай жиі кездесетінін мойындады.

Депутат Жұлдыз Омарбекова өзінің жақын туыстарын телефон арқылы жауапты қызметтерге орналастыратын лауазым иелерін жазалауды ұсынды, деп хабарлайды zakon.kz.

- Біздің елде идеология жоқ дегенмен мен келіспеймін. Бізде жемқорлық деген идеология бар. Жемқорлықтың түрі көп, бірақ ең қорқыныштысы – тамыр-танысын жұмысқа тұрғызу. Зауытты басып алу үшін оның директоры етіп өз адамыңды қойғаның жеткілікті деген сөз бар еді. Ұлттың қауіпсіздігіне үлкен қауіп төнуде. Біліксіз маман – ұлтқа қауіпті. Бір лауазымға біреуді жұмысқа алу үшін өзге біреулердің ақыл-кеңесі керек емес. Біреуді қызметке ұсыну немесе қызметке алуға мәжбүрлеу – бұл барып тұрған жемқорлық. Осындай норма енгізуге бола ма, қалай ойлайсыз? — деп сұрады депутат.

Сыбайлас жемқорлыққа қарсы іс-қимыл агенттігі төрағасының орынбасары Олжас Бектенов өз кезегінде әсіресе мемлекеттік органдарда, білім мен денсаулық сақтау саласында мұндай жағдай жиі кездесетінін мойындады.

- Мұндай деректер көптеп кездеседі. Қазіргі заң бойынша бұл мемлекеттік қызметтің атына кір келтіретін іс-әрекет деп танылады. Ондай адамдар қызметінен босатылады және жұмысқа қайта алынбайды. Меніңше, бұл жеткілікті мөлшердегі қатаң жаза, - деді Бектенов.

Егер тергеу шенеуніктің белгілі бір тұлғаны телефон арқылы жұмысқа орналастырғанын және ол үшін ақша алғанын дәлелдесе – ол мүлдем басқа бап, ҚР ҚК 366-шы бабы бойынша жауап береді.

- Меніңше, жұмысқа тұрғызу мәселесімен телефонмен қоңырау шалғаны үшін қызметінен босату жеткілікті. Өйткені ол мемлекеттік қызметтің атына кір келтірді, деді Агенттік төрағасының орынбасары.

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Қазақстандағы мемлекеттік сатып алудың жаңа ережелері: нені білу маңызды

Google, Apple, Netflix: Шетелдік интернет компаниялар бір жылда елімізге 35 млрд теңге салық төледі

"Қар, көктайғақ, тұман". Сейсенбіде еліміздің 16 өңірінде дауылды ескерту жарияланды

Лудомания – қоғамды жайлаған қауіпті індет

Елімізде баспана бағасы 4 пайызға қымбаттады