ҚР Сыртқы істер министрі Мұхтар Тілеуберді үкімет отырысында 5 наурыздан бастап Иран азаматтарына Қазақстанға кіруге тыйым салынатынын айтты, деп хабарлайды zakon.kz.
Бүгінгі таңда Қытайдан 480 қазақстандық эвакуацияланды. Қытаймен арадағы тұрақы әуе рейстері, жаяу өту, теміржол, автомобиль жолаушылар тасымалы тоқтатылды. 2020 жылдың 3 ақпанынан бастап Қытайдағы барлық шетелдік азаматтарға виза беру тоқтатылды. 5 наурыздан бастап Әзірбайжанмен арадағы әуе рейстеріне шектеу қойылды және Иран азаматтарының Қазақстанға кіруіне тыйым салынды, - деді Тлеуберді.
Оның айтуынша, қазақстандықтарға эпидемиологиялық қаупі жоғары елдерге барудан бас тарту ұсынылады. Ведомство басшысы қазіргі уақытта шетелде жүрген қазақстандықтар арасында коронавирус жұқтырғандар жоқ екенін баса атап өтті.
Жиында Денсаулық сақтау министрі Елжан Біртанов Қазақстанда коронавирус анықталған жағдайда «В жоспары» әзір тұрғанын айтты.