Алматы облысының Қаратал ауданында лаңкестікке қарсы оқу-жаттығулар өтіп жатыр, деп хабарлайды zakon.kz.
Бүгін, 5 наурызда Қаратал аудандық терроризмге қарсы күрес жедел штабы Қаратал ауданының орталық аудандық ауруханасының аумағында жоспарға сәйкес, шұғыл оқу-жаттығуларды өткізді, деп хабарлады аудан әкімдігі.
Жаттығу кезеңінде шектеу шаралары қарастырылады. Қаладағы көлік құралдарының қозғалысын ішінара шектелуі мүмкін. Оқу-жаттығудың мақсаты - адамдар көп жиналатын жерлерде террористік қауіп туындаған кезде өзара әрекеттесу дағдыларын дамыту.
Қаратал ауданының әкімдігі тұрғындарға жаттығулар кезінде оған түсіністікпен қарап, сабырлы болуды сұрайды.
