Нұр-Сұлтанның "Барысы" Гагарин кубогында жарысты жалғастырудан бас тартты. Осылайша новосібірдің "Сибирімен" ойын болмайды. Бұл туралы клубтың ресми сайтында жарияланды, деп хабарлайды zakon.kz.
"Елде енгізілген төтенше жағдай режиміне байланысты "Барыс" ХК ҚХЛ плей-офф ойындарын Қазақстан Республикасы аумағында өткізе алмайды. Сол себепті Гагарин кубогының 2019/2020 маусымындағы жарысына қатысудан бас тартуға мәжбүр", - делінеді хабарламада.
Бұған дейін коронавирус індетіне байланысты Гагарин кубогында жарысты жалғастырудан Финляндияның "Йокериті" бас тартқан болатын.
