Елордада коронавирусқа байланысты карантинде үйінде жатқан ер адам балконында "концерт" қойды, деп хабарлайды zakon.kz.
Facebook-те кешқұрым уақытта гитарасын тағынып, балконда "Рождество" тобының "Так хочется жить" деген әнін шырқаған ер адамның видеосы жарияланды.
Бұл видеоны жүктеген әлеуметтік желі қолданушысы Думан Қапасовтың айтуынша, ол Нұр-Сұлтан қаласындағы көпқабатты үйлердің бірінен түсірілген.
"Карантин кезінде жақсы көңіл-күй мен керемет ән сыйлағаныңыз үшін рахмет", деп жазды ол.
