Мемлекет басшысы "2006 жылғы 6 қарашадағы Қазақстан Республикасының Үкіметі мен Армения Республикасының Үкіметі арасындағы Табыс пен мүлікке салынатын салықтарға қатысты қосарланған салық салуды болдырмау және салық салудан жалтаруға жол бермеу туралы конвенция және оған Хаттама шеңберінде Қазақстан Республикасының және Армения Республикасының уәкілетті органдары берген резиденттікті растайтын ресми құжаттарды тану тәртібі туралы ноталар алмасу нысанындағы келісімді ратификациялау туралы" Қазақстан Республикасының Заңына қол қойды, деп хабарлайды zakon.kz Ақордаға сілтеме жасап.
Келісімнің мақсаты - Қазақстан Республикасының және Армения Республикасының уәкілетті органдары берген резиденттікті растайтын ресми құжаттарды танудың жеңілдетілген тәртібін белгілеу.
Бұл рәсім екі мемлекеттің салық төлеушілеріне салық агентіне тұрғылықты жерін растайтын құжатты ұсынуға мүмкіндік береді.
Сонымен қатар, бұл рәсім 2012 жылдың 1 қаңтарынан бастап ретроспективті түрде қолданылады. Бұл екі мемлекеттің салық төлеушілеріне қос салық салыну қаупінен сақтайды.
Алдында түсініктеме берілгендей, бұл уақыт салық мәселелері бойынша мерзімнің ескіруімен байланысты. Қазақстан заңнамасында мерзім бес жылда ескіреді деп көрсетілген. Келісім жобасы 2017 жылы қаралды.
Келісім ЕАЭО аясындағы шаралардың бірі болып табылады, бұл біздің елдеріміздің арасындағы қатынастарды одан әрі дамытуға бағытталған.