Алматы қаласының бас санитарлық дәрігері Айзат Молдағасимова Орталық қалалық клиникалық аурухананың толықтай карантинге жабылғанын мәлімдеді, деп хабарлайды zakon.kz.
Бүгін 12-ші аурухана толығымен карантинге алынды. Олар енді науқастарды қабылдамайды. Бәрін бүтіндей жапты, - деді ол.
Бүгін, 13 сәуірде, Алматыда тағы 27 медицина қызметкері коронавирусты жұқтырғаны белгілі болды. Олардың 21-і - әйелдер, оның ішінде бір жүкті әйел бар және алтауы - ер адам. 20 адам - Орталық қалалық клиникалық аурухананың қызметкерлері (12 аурухана). Жеті адам - балалар жұқпалы аурулар ауруханасының қызметкерлері.