Қасым-Жомарт Тоқаев Жоғары Еуразиялық экономикалық кеңесінің отырысына қатысып жатыр. Ол бейне конференция форматында өтуде, деп хабарлайды zakon.kz.
Бүгінде әлемде күрделі жағдай қалыптасып отыр. Пандемия көптеген елдің қоғамдық, экономикалық өмірін тоқырауға ұшыратты. Біз ОПЕК + шеңберіндегі өндірісті келісілген көлемде төмендету және энергетикалық нарықтағы тепе-теңдікті қалпына келтіру туралы келісімді қолдаймыз, - деді Тоқаев.
Твиттердегі Ақорданың баспасөз қызметі Мемлекет басшысының Ресейдің осы келісім бойынша жетістікке жету жолындағы күш-жігерін жоғары бағалайтынын атап өткенін жеткізді. Президенттің айтуынша, Қазақстан келіссөздерге байқаушы ретінде қатысып, өндірісті айтарлықтай қысқартуға келісіп, оған өз үлесін қосты.
Сарапшылардың пікірінше, 2020 жылы әлемдік ЖІӨ көлемі 2% -дан астамға төмендеуі мүмкін. Сонымен бірге АҚШ-тың ЖІӨ-сі 3,3%-ке және Еуропалық одақтікі 4,2% төмендейді. Қытай экономикасының өсімі 2% маңында болады деп болжануда, яғни құлдырау шамамен 4% болады. Мемлекет тарапынан жігерлі іс-қимылдар қабылданбай, жаһандық рецессия бұдан да терең және ауыр жүруі мүмкін екені анық. Сондықтан көптеген елдер өз экономикасы мен азаматтарын қолдау үшін коронавирустың таралуына қарсы тұру үшін батыл шаралар қабылдауда, - деді ол.