Қазгидромет еліміздің екі облысы бойынша ауа-райына байланысты дауылды ескерту жариялады, деп хабарлайды zakon.kz.
"14 мамырда Қостанай облысының кей жерлерінде қатты жаңбыр жауып, найзағай жарқылап, бұршақ жаууы ықтимал. Солтүстік-батыстан соққан жел екпіні секундына 15-20 жылдамдықпен үдейді. Жамбыл облысында таулы аудандарда нөсер болады. Кей жерлерде найзағай жарқылдап, дауыл тұрып, бұршақ жаууы күтіледі. Оңтүстік-батыс, батыстан соққан жел екпіні секундына 15-20 метр, ал кей жерлерде 23 метрге жетеді. 14 мамырда Тараз қаласында да нөсер жауын құйып, найзағай ойнап, дауыл тұрып, бұршақ күтіледі. Оңтүстік-батыс, батыстан қатты жел соғады деп күтіледі", делінген синоптиктер болжамында.