Шымкент қаласында коронавирус инфекциясын жұқтырған 5 адам тіркелді, деп хабарлайды zakon.kz.
ПТР диагностикалық зерттеу нәтижелері бойынша Шымкент қаласының 5 тұрғынына COVID-19 диагнозы қойылды, олар — 1982, 1986 және 1961 жылғы әйел адамдар, 1991 жылы туған ер кісі және 2001 жылғы жас жігіт.
Барлығы да коронавирусты жұқтырған адамдармен қарым-қатынаста болған. Тиісінше, барлығы жұқпалы аурулар стационарына жатқызылған.
Қазіргі таңда науқастардың жағдайы қанағаттанарлық. Бекітілген хаттамаға сәйкес тиісті ем жүргізілуде.
Профилактикалық іс-шараларды жүргізу үшін науқаспен қарым-қатынаста болған адамдар анықталып жатыр.
Ауру ошақтарында дезинфекциялық жұмыстар жүргізілуде.
Қазіргі уақытта қала бойынша COVID-19 коронавирус инфекциясын жұқтырған 255 адам анықталған.
