Ұлттық қоғамдық сенім кеңесінің 3 отырысы 27 мамыр күні онлайн форматта өтеді, деп хабарлайды zakon.kz.
ҚР Президентінің кеңесшісі Ерлан Қариннің хабарлауынша, оған еліміздің әр аймағынан арнайы қосылымдар ұйымдастырылады.
Ұлттық кеңес мүшелерінің ұсынысына сәйкес, алдағы отырыстың күн тәртібінде адами капиталдың дамуы, соның ішінде, білім беру саласын дамыту мәселесі қаралмақ. Ақпан айынан бастап, аталған тақырып шеңберінде Ұлттық кеңес мүшелері тиісті сараптама жасап, өз ұсыныстарын дайындауға кіріскен. Кеңес мүшелерінің ұсыныстары алдағы жиналыста талқыланатын болады.